‘વડા પાવ ગર્લ’ તરીકે પ્રસિદ્ધ ચંદ્રિકા દીક્ષિતના લગ્નજીવનમાં લાંબા સમયથી તિરાડ પડી ગઈ છે. તેમના પતિ યુગમ ગેરા સાથેના સંબંધોમાં વધુને વધુ ખરાબી આવી રહી છે. ચંદ્રિકા હાલ પતિથી અલગ રહી રહી છે અને તેમણે એક વખત વધુ પતિ પર ગંભીર આરોપ લગાવ્યા છે.

ચંદ્રિકાએ સિદ્ધાર્થ કનન સાથેની વાતચીતમાં જણાવ્યું કે તેમના પતિ યુગમે તેમને 2 મહિલાઓ સાથે અફેર ચલાવીને દગો આપ્યો છે. જ્યારે તેમને પૂછવામાં આવ્યું કે તમને આ વાતની ખબર કેવી રીતે પડી, ત્યારે ચંદ્રિકાએ કહ્યું, “તેણે જ મને આ વાત કહી હતી. મને ખબર નથી કે તેણે ગુસ્સામાં કહ્યું હતું કે કેવી રીતે, પણ તેણે સ્પષ્ટ કહ્યું હતું કે ‘હા, હું તો બે-બે ઓરતો સાથે અય્યાશી કરી રહ્યો છું. તું મને છોડી દે. તું મને કેમ છોડતી નથી? હું તારાથી અલગ થવા માંગું છું.’ તેથી મેં તેને છોડી દીધો.”

ઇમોશનલ થઈ ગયાં ચંદ્રિકા
વાતચીત દરમિયાન ચંદ્રિકા ભાવુક થઈ ગયાં અને તેમની આંખો ભીની થઈ ગઈ. તેમણે કહ્યું, “હું તે છોકરીઓ વિશે નથી જાણતી, હું તો મારા માણસ વિશે જાણું છું. હું તેને કહેતી હતી કે તેની બાઇકની પાછળ બેસનારી હું એકમાત્ર છોકરી હતી. તે મારો પ્રેમ હતો… હું એમ નહીં કહું કે તે પ્રેમ હતો, પણ હું તેની જીવનની પહેલી છોકરી હતી, જેણે તેનો હાથ પકડ્યો હતો, જે તેની બાઇકની પાછળ બેસતી હતી અને જેની સાથે તે દરેક વાત શેર કરતો હતો.”

ચંદ્રિકાએ આગળ કહ્યું, “અચાનક તે કોઈ અન્ય સાથે તેની વાતો શેર કરી રહ્યો છે અને મારા વિશે તે છોકરીઓને કહી રહ્યો છે કે ‘શાદી કેવી પરિસ્થિતિમાં થઈ હતી, હું તમને બતાવીશ, ચાલો મળીએ.’”

બીજી તરફ ચંદ્રિકા પર પણ અફેરના આરોપ
જ્યારે ચંદ્રિકા પોતે પણ સોશિયલ મીડિયા પર સૈફી નામના વ્યક્તિ સાથે રોમેન્ટિક વીડિયો શેર કરવા બદલ ચર્ચામાં છે અને તેમને ભારે ટ્રોલિંગનો સામનો કરવો પડી રહ્યો છે તેમછતાં ચંદ્રિકા લોકોની વાતોથી અજાણી રહીને પોતાના જીવન પર ધ્યાન કેન્દ્રિત કરી રહ્યા છે.