આજના ડિજિટલ યુગમાં મોબાઈલ ફોન અને સિમ કાર્ડ આપણા જીવનનો અભિન્ન હિસ્સો બની ગયા છે. બેંકિંગથી લઈને સોશિયલ મીડિયા સુધીની તમામ સેવાઓ આપણા મોબાઈલ નંબર સાથે જોડાયેલી હોય છે. જોકે, ઘણીવાર વધતા જતા રિચાર્જ પ્લાનના ભાવને કારણે અથવા સેકન્ડરી સિમ કાર્ડ હોવાને લીધે આપણે લાંબા સમય સુધી રિચાર્જ કરવાનું ટાળતા હોઈએ છીએ. પરંતુ શું તમે જાણો છો કે ટેલિકોમ રેગ્યુલેટરી ઓથોરિટી ઓફ ઈન્ડિયાના નિયમો મુજબ, જો તમે સમયસર રિચાર્જ ન કરાવો તો તમારો વર્ષો જૂનો નંબર કાયમ માટે બંધ થઈ શકે છે?

રિચાર્જ વેલિડિટી પૂરી થયા પછી કેટલા દિવસમાં ઇનકમિંગ અને આઉટગોઇંગ સેવાઓ બંધ થાય છે અને ક્યારે તમારું સિમ કાર્ડ હંમેશા માટે ડિએક્ટિવેટ થઈ જાય છે.આજના ડિજિટલ યુગમાં મોબાઈલ રિચાર્જ એ અનિવાર્ય જરૂરિયાત બની ગઈ છે. ઘણીવાર યુઝર્સ મોંઘા પ્લાનથી બચવા માટે રિચાર્જ કરવામાં વિલંબ કરતા હોય છે, ટેલિકોમ રેગ્યુલેટરી ઓથોરિટી ઓફ ઇન્ડિયાએ સિમ કાર્ડ ડિએક્ટિવેશન અંગે સ્પષ્ટ નિયમો નક્કી કર્યા છે, જે દરેક યુઝરે જાણવા જરૂરી છે.જો તમે તમારા નંબરને લાંબા સમય સુધી ચાલુ રાખવા માંગતા હોવ, તો ભલે મોટો પ્લાન ન કરાવો, પરંતુ સમયાંતરે નાના મૂલ્યના પ્લાનથી રિચાર્જ કરાવતા રહેવું જોઈએ. આનાથી તમારું સિમ કાર્ડ એક્ટિવ રહેશે અને તમે નંબર ગુમાવવાની માથાકૂટમાંથી બચી શકશો.

સેવાઓ ક્યારે બંધ થાય છે?

જ્યારે તમારા મોબાઈલ પ્લાનની વેલિડિટી સમાપ્ત થાય છે, ત્યારે સૌથી પહેલા આઉટગોઇંગ કોલ્સ અને SMS સુવિધા પર અસર પડે છે. સામાન્ય રીતે, વેલિડિટી પૂરી થયાના 15 દિવસની અંદર આઉટગોઇંગ સેવાઓ બંધ કરી દેવામાં આવે છે. જો કે, કેટલીક કંપનીઓમાં આ સુવિધા તાત્કાલિક પણ બંધ થઈ શકે છે. આઉટગોઇંગ સેવા બંધ થયા પછી પણ, યુઝરને થોડા સમય માટે ઇનકમિંગ કોલ્સ અને મેસેજ મળવાનું ચાલુ રહે છે. આ સુવિધા એટલા માટે આપવામાં આવે છે જેથી યુઝરને રિચાર્જ કરવાની તક મળે અને તેનો સંપર્ક જળવાઈ રહે. પરંતુ જો આ સમયગાળામાં પણ રિચાર્જ ન કરવામાં આવે, તો ઇનકમિંગ સેવાઓ પણ સ્થગિત કરી દેવામાં આવે છે.

સિમ ક્યારે ડિએક્ટિવેટ થાય છે?

ટેલિકોમ કંપનીઓના નિયમ મુજબ, જો સિમ કાર્ડમાં સતત 60 થી 90 દિવસ સુધી કોઈ રિચાર્જ કે એક્ટિવિટી ન થાય, તો કંપની તે સિમ કાર્ડને સંપૂર્ણપણે નિષ્ક્રિય કરી શકે છે. આનો અર્થ એ છે કે તમારો નંબર નેટવર્કમાંથી દૂર કરવામાં આવે છે અને તે માત્ર એક પ્લાસ્ટિકનો ટુકડો બની રહે છે.

નંબર કાયમ માટે ગુમાવવાનું જોખમ

એકવાર સિમ કાર્ડ ડિએક્ટિવેટ થઈ જાય પછી, કંપની તે નંબરને ચોક્કસ સમય બાદ બીજા નવા ગ્રાહકને ફાળવી શકે છે. જો આવું થાય, તો તમે તમારો જૂનો નંબર કાયમ માટે ગુમાવી શકો છો અને તે જ નંબર પાછો મેળવવો અત્યંત મુશ્કેલ બની જાય છે.