સૌરાષ્ટ્રના દરિયાકાંઠાના વિસ્તારમાં કોળી સમાજના કદાવર નેતા અને રાજ્ય સરકારના મંત્રી પરસોત્તમ સોલંકી ફરી એકવાર પોતાના 'દબંગ' અંદાજને કારણે ચર્ચાના કેન્દ્રમાં આવ્યા છે. ઉના તાલુકાના સિમર ગામે આયોજિત કોળી સમાજના સમૂહ લગ્નોત્સવમાં તેમણે વિવાદાસ્પદ 'ધોકાવાળી' નો ઉલ્લેખ કરી વિરોધીઓને આડકતરો કટાક્ષ કર્યો હતો. રાજકીય મર્યાદાઓ કરતા સમાજની સુરક્ષાને સર્વોપરી ગણાવતા તેમના આ ભાષણના સોશિયલ મીડિયામાં ઘેરા પ્રત્યાઘાતો પડી રહ્યા છે.
ઉનાના સિમર ગામે કોળી સમાજના એક સામાજિક કાર્યક્રમમાં મંત્રી પરસોત્તમ સોલંકી અને ધારાસભ્ય હીરા સોલંકીએ હાજરી આપી હતી. આ મંચ પરથી પરસોત્તમ સોલંકીએ રાજકીય ભાષણબાજીને બદલે સમાજના રક્ષકની ભૂમિકામાં હોવાનો સ્પષ્ટ સંકેત આપ્યો હતો.
'હું કોઈના પગે પડે તેવો નેતા નથી'
પોતાના સંબોધનમાં પરસોત્તમ સોલંકીએ અગાઉના વિવાદોને યાદ કરતા કહ્યું કે, "ઘણીવાર હું જાહેરમાં કહી દઉં છું કે કોઈ ન સમજે તો 'ધોકાવાળી' કરાય. ટીવીવાળા જ્યારે મને પૂછે છે, ત્યારે પણ હું કહું છું કે મેં જે કહ્યું તે સાચું છે." તેમણે વધુમાં ઉમેર્યું કે, "ભાષણ કરીને ભાગી જાય તેવો હું રાજકારણી નથી. હું રાજકારણ કરતો નથી અને મને તે આવડતું પણ નથી. પરંતુ જો મારા કોળી સમાજને કોઈ દુઃખી કરશે, તો હું તેને છોડીશ નહીં. તમારે અખતરા કરવા હોય તો મને યાદ કરજો, હું ગમે ત્યાં હોઉં તમારા માટે હાજર થઈ જઈશ."
શક્તિ પ્રદર્શન: 18 ધારાસભ્યો અને સમાજનું મનોબળ
સમાજની રાજકીય તાકાતનો ઉલ્લેખ કરતા મંત્રીએ જણાવ્યું કે, અત્યારે કોળી સમાજ પાસે 18 ધારાસભ્યો છે. તેમની ઈચ્છા છે કે આ સંખ્યા હજુ વધે અને સમાજ વધુ મજબૂત બને. તેમણે સ્પષ્ટ કર્યું કે તેઓ સરકાર પાસે કશું માંગતા નથી, પરંતુ સમાજ પર અત્યાચાર થશે તો તેઓ સૌથી પહેલા ઢાલ બનીને ઉભા રહેશે.
હીરા સોલંકીનો શાયરાના અંદાજ: 'હમ તો બુરે લોગ હૈ'
પરસોત્તમ સોલંકીના ભાઈ અને ધારાસભ્ય હીરા સોલંકીએ પણ મંચ પરથી શાયરાના અંદાજમાં હુંકાર કર્યો હતો. તેમણે કહ્યું, "તેરે દિન અચ્છે હૈ તો મુજસે કિનારા કરલે, હમ તો બુરે લોગ હૈ બુરે વક્ત મેં કામ આતે હૈ." તેમણે લોકોને ખાતરી આપી કે સમય ખરાબ આવે ત્યારે આ બંને ભાઈઓ તમારી પડખે ઉભા રહેશે. સૌરાષ્ટ્રના રાજકારણમાં અને ખાસ કરીને કોળી સમાજ પર પરસોત્તમ સોલંકીનું એકહથ્થું શાસન માનવામાં આવે છે.
વિવાદો સાથે જૂનો નાતો
નોંધનીય છે કે, વર્ષ 2008માં મત્સ્યોદ્યોગ મંત્રી તરીકેના કાર્યકાળ દરમિયાન ટેન્ડર પ્રક્રિયા વગર 58 જળાશયોના કોન્ટ્રાક્ટ આપવાના મામલે તેમના વિરુદ્ધ ગાંધીનગરની સ્પેશિયલ કોર્ટમાં કેસ ચાલી રહ્યો છે. આટલા વર્ષોમાં અનેક મુખ્યમંત્રીઓ અને કેબિનેટ બદલાઈ હોવા છતાં, સામાજિક પ્રભુત્વને કારણે સોલંકીનું મંત્રીપદ યથાવત રહ્યું છે.

સૌરાષ્ટ્રના દરિયાકાંઠાના વિસ્તારમાં કોળી સમાજના કદાવર નેતા અને રાજ્ય સરકારના મંત્રી પરસોત્તમ સોલંકી ફરી એકવાર પોતાના 'દબંગ' અંદાજને કારણે ચર્ચાના કેન્દ્રમાં આવ્યા છે. ઉના તાલુકાના સિમર ગામે આયોજિત કોળી સમાજના સમૂહ લગ્નોત્સવમાં તેમણે વિવાદાસ્પદ 'ધોકાવાળી' નો ઉલ્લેખ કરી વિરોધીઓને આડકતરો કટાક્ષ કર્યો હતો. રાજકીય મર્યાદાઓ કરતા સમાજની સુરક્ષાને સર્વોપરી ગણાવતા તેમના આ ભાષણના સોશિયલ મીડિયામાં ઘેરા પ્રત્યાઘાતો પડી રહ્યા છે.

'જો કોઈ ધોકા મારે તો યાદ રાખજો હું છું': ઉનામાં પરસોતમ સોલંકીનું સૂચક નિવેદન

'If anyone beats you, remember i am with you': Parasotam Solanki's suggestive statement in Una

'જો કોઈ ધોકા મારે તો યાદ રાખજો હું છું': ઉનામાં પરસોતમ સોલંકીનું સૂચક નિવેદન