‘વડા પાવ ગર્લ’ તરીકે પ્રસિદ્ધ ચંદ્રિકા દીક્ષિતના લગ્નજીવનમાં તીવ્ર ઉથલપાથલ ચાલી રહી છે. તેઓ પોતાના પતિ યુગમ ગેરાથી અલગ થઈ ગયા છે. ચંદ્રિકાનો આરોપ છે કે તેમના પતિના એક્સ્ટ્રા મેરિટલ અફેર ચાલી રહ્યા છે. હવે ચંદ્રિકાએ એક અને વધુ આઘાતજનક ખુલાસો કર્યો છે. તેમણે કહ્યું કે, તેમને બિઝનેસમેન, ડિરેક્ટર્સ અને પ્રોડ્યુસર્સ તરફથી કોમ્પ્રોમાઇઝ કરવાના ઓફર મળ્યા છે.

શું કહ્યું ચંદ્રિકાએ?
સિદ્ધાર્થ કન્નન સાથેના ઇન્ટરવ્યુમાં જ્યારે ચંદ્રિકાને પૂછવામાં આવ્યું કે શું એ સાચું છે કે તેમને એક રાત સોના માટે 50 લાખ રૂપિયાનો ઓફર મળ્યો હતો? તો ચંદ્રિકાએ હકારમાં જવાબ આપ્યો.

તેમણે કહ્યું, “મેં મેઇલ પણ ચેક કરાવ્યા હતા. મારી પાસે પુરાવા છે.” એક મોટા બિઝનેસમેને તેમને કહ્યું હતું કે, “કન્ડિશન તમારી, સિચ્યુએશન તમારી, પરંતુ જગ્યા મારી હશે. હું તમને 50 લાખ ઓફર કરું છું. બાકી જે પણ તમે ઇચ્છો તે કહો.”

અન્ય ઓફર્સ પણ મળ્યા
ચંદ્રિકા અને તેમના મિસ્ટ્રી મેન સૈફીએ જણાવ્યું કે, તેમને કોમ્પ્રોમાઇઝના ઓફર પ્રોફેશનલી ઇ-મેઇલ દ્વારા મળ્યા હતા. કેટલાક ડિરેક્ટર્સ અને પ્રોડ્યુસર્સે તેમને ફોન પર પણ કોમ્પ્રોમાઇઝ કરવાની ઓફર આપી હતી. કોઈ તેમને દુબઈ પણ બોલાવી રહ્યું હતું. ચંદ્રિકાએ આરોપ લગાવ્યો કે ઓફર આપનારાઓએ કહ્યું હતું કે, “આગળ વધવું હોય તો આ બધું કરવું પડશે, નહીં તો કરિયરમાં આગળ વધી શકશો નહીં.”

પતિના અફેરનો આરોપ
આ ઉપરાંત ચંદ્રિકાએ પતિ યુગમ ગેરા પર આરોપ લગાવ્યો કે તેમના પતિનું એક નહીં, પરંતુ બે મહિલાઓ સાથે અફેર ચાલી રહ્યું છે. તેમણે કહ્યું કે પતિએ આ વાત તેમને જાતે જ કહી હતી.

પતિના અફેર વિશે વાત કરતાં ચંદ્રિકા ભાવુક થઈ ગયાં અને કહ્યું, “વો મેરા પ્યાર હૈ… હું એમ નહીં કહું કે વો પ્યાર થા… હું તેની જિંદગીની સૌથી પહેલી એવી છોકરી હતી, જેણે તેનો હાથ પકડ્યો હતો, જે તેની બાઇકની પાછળ બેસતી હતી, જેની સાથે તે દરેક વાત શેર કરતો હતો. પરંતુ અચાનક તે કોઈ અન્ય સાથે તેની વાતો શેર કરી રહ્યો છે.”