પરંપરાગત ખેતીમાં અનિશ્ચિતતા અને વધતા ખર્ચ વચ્ચે હવે ખેડૂતો બાગાયતી પાકો તરફ વળી રહ્યા છે, જેમાં સીતાફળની ખેતી આર્થિક સમૃદ્ધિનું નવું દ્વાર ખોલી રહી છે. ઓછા પાણી અને નહિવત્ જાળવણી છતાં સીતાફળનો પાક ખેડૂતોને લાખોની કમાણી કરાવી શકે છે. ખાસ કરીને 'બાલાનગર' જેવી સુધારેલી જાતો અને વૈજ્ઞાનિક પદ્ધતિથી કરવામાં આવેલું વાવેતર માત્ર 2 વર્ષમાં જ ફળ આપવાનું શરૂકરે છે. એપ્રિલ અને મે મહિનાનો સમય સીતાફળના વાવેતર માટે સુવર્ણ તક સમાન છે. જો આ સમયગાળામાં યોગ્ય ખાતર વ્યવસ્થાપન અને અંતર જાળવીને ખેતી કરવામાં આવે, તો ખેડૂતો બજારમાં ઉંચા ભાવ મેળવી 'છપ્પરફાડ' નફો મેળવી શકે છે.

વર્તમાન સમયમાં પરંપરાગત ખેતીના સ્થાને બાગાયતી પાકો ખેડૂતો માટે વધુ નફાકારક સાબિત થઈ રહ્યા છે. સીતાફળ એક એવો પાક છે જે ખૂબ જ ઓછા ખર્ચે અને ઓછી મહેનતે ખેડૂતોને મોટો આર્થિક નફો આપવાની ક્ષમતા ધરાવે છે, સીતાફળની ખેતી માટે ચોક્કસ પ્રકારનું વાતાવરણ ખૂબ જ અનુકૂળ છે. જો ખેડૂત યોગ્ય ટેકનિક અને સુધારેલી જાતો પસંદ કરે, તો ઓછી જમીનમાં પણ મબલખ ઉત્પાદન મેળવી શકાય છે. સીતાફળમાં 'બાલાનગર' અને 'અરકા સહાન' જેવી સુધારેલી જાતો સૌથી વધુ લોકપ્રિય છે. ખાસ કરીને બાલાનગર જાતને વરસાદી મોસમ શરૂ થાય તે પહેલાં વાવવાથી છોડનો વિકાસ ઝડપી થાય છે અને તેની રોગપ્રતિકારક શક્તિ સારી રહે છે.

ખેડૂતો માટે એપ્રિલ અને મે મહિનો સીતાફળના વાવેતર માટે સૌથી શ્રેષ્ઠ સમય છે. આ સમયગાળામાં ખેતર તૈયાર કરીને વાવેતર કરવાથી ચોમાસું બેસે ત્યાં સુધીમાં છોડ જમીનમાં સારી રીતે સ્થિર થઈ જાય છે અને તેમની વૃદ્ધિ ઝડપથી થાય છે. સીતાફળના છોડને 3x3 મીટરના અંતરે ખાડા તૈયાર કરીને વાવવા જોઈએ. દરેક ખાડામાં 20 થી 30 કિલો છાણિયું ખાતર, 100 ગ્રામ યુરિયા, 100 ગ્રામ પોટાશ અને 100 ગ્રામ સિંગલ સુપર ફોસ્ફેટનું મિશ્રણ નાખવાથી છોડને શરૂઆતથી જ જરૂરી પોષણ મળી રહે છે. છોડનો ઉપયોગ કરવાથી માત્ર 2 વર્ષમાં જ ફળ આવવાનું શરૂ થઈ જાય છે. 

ખેડૂતોએ હંમેશા પ્રમાણિત નર્સરીઓમાંથી જ છોડ ખરીદવા જોઈએ. ઇન્દિરા ગાંધી કૃષિ યુનિવર્સિટી અથવા નેશનલ હોર્ટિકલ્ચર બોર્ડની રજિસ્ટર્ડ નર્સરીઓમાંથી સુધારેલા અને રોગમુક્ત છોડ સરળતાથી મળી રહે છે, જે ભવિષ્યમાં સારા વળતરની ખાતરી આપે છે.