અમદાવાદ મહાનગરપાલિકાની આગામી સ્થાનિક સ્વરાજ્યની ચૂંટણીઓને લઈને રાજકીય ગરમાવો ચરમસીમાએ પહોંચ્યો છે, ત્યારે ભારતીય જનતા પાર્ટીએ પોતાના ઉમેદવારોના નામોની પસંદગી પ્રક્રિયા પૂર્ણ કરી દીધી હોય તેવા સ્પષ્ટ સંકેતો મળી રહ્યા છે. સામાન્ય રીતે જાહેર સભાઓ કે યાદી બહાર પાડીને થતી જાહેરાતને બદલે આ વખતે ભાજપે એક નવી રણનીતિ અપનાવી હોય તેમ લાગે છે. પક્ષના મોવડી મંડળ દ્વારા પસંદ કરાયેલા ઉમેદવારોને સીધા ફોન કરીને ચૂંટણી લડવા માટે તૈયાર રહેવાની સૂચના આપી દેવામાં આવી છે. ખાસ કરીને શહેરના પશ્ચિમ વિસ્તારના મહત્વના વોર્ડમાં ઉમેદવારોના નામ નક્કી કરી લેવામાં આવ્યા છે, જેના કારણે કાર્યકરોમાં ભારે ઉત્સાહ જોવા મળી રહ્યો છે. મક્તમપુરા વોર્ડમાં ભાજપે જ્ઞાતિ અને સમીકરણોને ધ્યાનમાં રાખીને મજબૂત દાવ ખેલ્યો છે. અહીં ગોપાલ ચૌહાણ, અભય વ્યાસ, હંસા પરમાર અને એકતા ઠાકોરને ટેલિફોનિક જાણ કરીને પક્ષના મેન્ડેટ માટે તૈયાર રહેવા જણાવી દેવાયું છે, જે દર્શાવે છે કે ભાજપ આ બેઠક પર કોઈ કચાશ રાખવા માંગતું નથી.

વેજલપુર અને સરખેજ જેવા હાઈ-પ્રોફાઈલ વિસ્તારોમાં પણ ઉમેદવારોની પસંદગીમાં અનુભવ અને યુવા જોશનું મિશ્રણ જોવા મળી રહ્યું છે. વેજલપુર વોર્ડમાં દેવાંગ મહેતા, પારુલ દવે, રાજેશ ઠાકોર અને જુલી ચૌહાણને ટિકિટ આપીને પક્ષે સંગઠનને મજબૂત કરવાનો પ્રયાસ કર્યો છે. બીજી તરફ, સરખેજ વોર્ડમાં રાજુ શુક્લા, દિવ્યેશ ત્રિપાઠી, હેમા શાહ અને જેઠી ભરવાડના નામ પર મહોર મારવામાં આવી છે. આ વિસ્તારોમાં વિકાસના કાર્યો અને સ્થાનિક લોકપ્રિયતાને આધારે ઉમેદવારોની પસંદગી કરવામાં આવી છે. બોડકદેવ વોર્ડમાં પક્ષે જૂના જોગીઓ પર વિશ્વાસ યથાવત રાખતા દેવાંગ દાણીને રિપીટ કર્યા છે, જે તેમની કામગીરી પ્રત્યે પક્ષનો સંતોષ દર્શાવે છે. તેમની સાથે ધરમશી દેસાઈ, ભાવના પટેલ અને પારુલ મકવાણાને મેદાનમાં ઉતારીને ભાજપે ક્લીન સ્વીપની તૈયારીઓ કરી લીધી છે.

ભાજપની આ 'ટેલિફોનિક' જાહેરાતની પદ્ધતિએ રાજકીય આલમમાં ચર્ચા જગાવી છે. અમદાવાદના આ તમામ વોર્ડમાં હવે ઉમેદવારોએ પોતપોતાના વિસ્તારમાં જનસંપર્ક શરૂ કરી દીધો છે. જે રીતે નામોની પસંદગી થઈ છે તે જોતા એવું લાગે છે કે ભાજપે મહિલા અનામત અને જ્ઞાતિગત સમીકરણોને ખૂબ જ ઝીણવટપૂર્વક સેટ કર્યા છે. આગામી દિવસોમાં જ્યારે સત્તાવાર રીતે ફોર્મ ભરવાની પ્રક્રિયા શરૂ થશે ત્યારે આ તમામ નામો ઔપચારિક રીતે જાહેર કરવામાં આવશે, પરંતુ હાલ તો ફોન પર મળેલી આ ખુશખબર બાદ ભાજપના છાવણીમાં વિજય ઉત્સવ જેવો માહોલ જોવા મળી રહ્યો છે.

સૂત્રો દ્વારા મળતી માહિતી મુજબ, બાપુનગરમાં પ્રવીણ પટેલ, ગોપાલ સેનગર અને જયશ્રીબેન દાસરીને ટેલિફોનિક દ્વારા જાણ કરવામાં આવી હતી.

સાબરમતી વોર્ડમાં ચેતન પટેલ, ખુશ્બુ પરમાર, નીરજ ગજ્જર અને અંજુ શાહને રિપીટ ટિકિટ આપવામાં આવી છે   
 
સાથોસાથ સરસપુરમાં રાજકુમાર રાજપૂત, ભારતીબેન વાણિયા, ચંદ્રિકા બેન પટેલ અને ચિરાગ ઠાકોર તેમજ ચાંદખેડા રીટા પટેલની રિપીટ, યશ જાદવ, હેમલ રાઠવા અને હરિપ્રકાશ શર્માની પસંદગી થઈ છે. 

ભાજપના 51 ઉમેદવારના નામ લગભગ નક્કી, જાણો કયા વોર્ડમાં કોને મળી શકે છે જવાબદારી

સૂત્રો દ્વારા મળતી માહિતી મુજબ, શહેરના વિવિધ વોર્ડમાં પક્ષે જૂના અને નવા ચહેરાઓ વચ્ચે સંતુલન જાળવવાનો પ્રયાસ કર્યો છે. ઉત્તર અને પશ્ચિમ અમદાવાદના મહત્વના વોર્ડની વાત કરીએ તો, ગોતા વોર્ડમાંથી કેતન પટેલ અને અજય દેસાઈ, ચાંદલોડિયાથી રાજેશ્રી પટેલ, જ્યારે ચાંદખેડા બેઠક પર યશ જાદવ અને મમતા રાણાના નામ મોખરે છે. સાબરમતી વિસ્તારમાં નીરજ ગજ્જર અને ચેતન પટેલ તેમજ રાણીપમાં વિરલ વ્યાસને જવાબદારી સોંપાઈ શકે છે. ઘાટલોડિયામાં પ્રવીણ પટેલ અને થલતેજમાં રંજુબેન પટેલ પક્ષનો મોરચો સંભાળશે. શાહીબાગમાં વિશાલ પટેલ, સ્ટેડિયમ વોર્ડમાં પ્રદીપ દવે અને મુકેશ મિસ્ત્રી, જ્યારે સરદારનગરમાં સન્ની ખાનચંદાની અને નરોડામાં લવ ભરવાડના નામ લગભગ નિશ્ચિત મનાઈ રહ્યા છે.

પૂર્વ અમદાવાદ અને મધ્ય ઝોનના સમીકરણો પર નજર કરીએ તો, ઈન્ડિયા કોલોનીમાં ભરત કાકડીયા, નિકોલમાં દીપક પંચાલ અને ડોનિકા બુહા તેમજ વિરાટનગરમાં મુકેશ પટેલના નામ ચર્ચામાં છે. અસારવા બેઠક પર અનુબેન પટેલ, ખાડિયામાં પંકજ ભટ્ટ અને પાલડીમાં જૈનિક વકીલને મેદાનમાં ઉતારવાની તૈયારી છે. વાસણામાં સ્નેહાબા પરમાર, મણિનગરમાં કરણ ભટ્ટ અને અમરાઈવાડીમાં પ્રતિભા દુબે પક્ષનું પ્રતિનિધિત્વ કરશે. આ સિવાય ખોખરામાં પરાંગ નાયક, વસ્ત્રાલમાં પટેશ પટેલ, ઇન્દ્રપુરીમાં પ્રકાશ ગુર્જર, જ્યારે રાયપુરામાં કમલેશ પટેલ (દાહી) અને ઇસનપુરમાં મૌલિક પટેલ તથા સન્ની દેસાઈના નામ ફાઈનલ માનવામાં આવે છે. લાંભામાં માનસિંહ સોલંકી અને વેજલપુરમાં ઉન્મિલ હાથી તેમજ દેવાંગ મહેતા, પારુલ દવે, રાજેશ ઠાકોર અને જુલી ચૌહાણની ટીમને ટિકિટ મળી શકે છે.

દક્ષિણ અને નવા પશ્ચિમ વિસ્તારના અન્ય મહત્વના ઉમેદવારોમાં સરખેજ ખાતે રાજુ શુક્લા, દિવ્યેશ ત્રિપાઠી, હેમા શાહ અને જેઠી ભરવાડનો સમાવેશ થાય છે. બોડકદેવ વોર્ડમાં દેવાંગ દાણીને રિપીટ કરવાની સાથે ધરમશી દેસાઈ, પારુલ મકવાણા અને ભાવના પટેલના નામ પણ યાદીમાં છે. મક્તમપુરા વોર્ડમાં અભય વ્યાસ, ગોપાલ ચૌહાણ, હંસા પરમાર અને એકતા ઠાકોરને મેદાનમાં ઉતારી ભાજપે આક્રમક રણનીતિ અપનાવી છે. આ ઉપરાંત અન્ય યાદી મુજબ પ્રવિણ પટેલ, જયશ્રીબેન દાસરી અને ગોપાલ સંગરના નામ પણ ઉમેદવાર તરીકે લગભગ નક્કી માનવામાં આવે છે. આમ, ભાજપે આ વખતે જ્ઞાતિગત સમીકરણો અને સંગઠન પ્રત્યેની વફાદારીને પ્રાધાન્ય આપીને 50થી વધુ ઉમેદવારોની ફોજ તૈયાર કરી દીધી છે, જેમના નામની સત્તાવાર જાહેરાત હવે ગમે ત્યારે થઈ શકે છે.