રિલાયન્સ ઇન્ડસ્ટ્રીઝના અધ્યક્ષ મુકેશ અંબાણી અને નીતા અંબાણીના લાડલા પુત્ર અનંત અંબાણીએ 10 એપ્રિલે 31મો જન્મદિવસ ધામધૂમથી ઉજવ્યો. જામનગરના વનતારા ખાતે યોજાયેલી ગ્રાન્ડ બર્થડે પાર્ટીમાં ફિલ્મી સ્ટાર્સ, પરિવારના સભ્યો અને નજીકના મિત્રો હાજર રહ્યા.

પાર્ટી શરૂ થાય તે પહેલાં અનંતે જન્મદિવસની શરૂઆત દાન-પુણ્યથી કરી. તેમણે 1 લાખથી વધુ ગાયોને છપ્પન ભોગ અર્પણ કર્યો, જયપુરમાં હાથીઓને 3000 કિલો ફળોનું ભવ્ય બુકે આપ્યું અને દેશના અનેક મોટા મંદિરોમાં કરોડો રૂપિયાનું દાન કર્યું. સ્કૂલના બાળકોને પણ ખાસ ભોજન આપવામાં આવ્યું. આ નેક કાર્યો માટે અનંતની ખૂબ તારીફ થઈ રહી છે.

રાધિકાએ વરસાવ્યો પ્રેમ
જન્મદિવસના જશ્ન દરમિયાન અનંત અને તેમની પત્ની રાધિકા મર્ચન્ટનો એક હાર્દિક વીડિયો વાયરલ થયો છે. વીડિયોમાં અનંત પર ફૂલોની વર્ષા થઈ રહી છે અને રાધિકાએ તેમના ગાલ પર કિસ કર્યું. આ પ્યારભર્યો પળ જોઈને લોકો કહી રહ્યા છે કે બંનેની જોડી ખરેખર હિટ છે. વનતારા સાથે અનંત અને રાધિકાનો ખાસ જોડાણ છે. બંને અવારનવાર અહીં આવીને સમય વિતાવે છે અને ફિલ્મી સ્ટાર્સ સાથે પાર્ટી પણ કરે છે. ફેન્સે તેમને “Made for each other” કહીને વધાવ્યા છે.

સૂફી કોન્સર્ટ અને રણવીર સિંહનું પર્ફોર્મન્સ
બુધવારે રાત્રે અનંતની બર્થડે બેશ સૂફી કોન્સર્ટથી શરૂ થઈ. બોલીવુડ સ્ટાર રણવીર સિંહે પાર્ટીમાં સમાં બાંધી દીધો અને માહોલને જીવંત બનાવી દીધો.

 

 

 

 

 

View this post on Instagram

 

 

 

 

 

 

 

 

 

 

 

A post shared by Salman Khan (@beingsalmankhan)

ફેન્સ અને સેલેબ્સની શુભેચ્છાઓ
સોશિયલ મીડિયા પર અનંત અંબાણીને ઢગલે બધાઈઓ મળી રહી છે. ફેન્સ અને સેલિબ્રિટીઓ બંને તેમને જન્મદિવસની હાર્દિક શુભકામનાઓ પાઠવી રહ્યા છે. આ વર્ષે અનંતનો જન્મદિવસ દાન, પ્રેમ, સંગીત અને પારિવારિક આનંદથી ભરપૂર રહ્યો. વનતારામાં યોજાયેલી આ ગ્રાન્ડ પાર્ટી હવે લાંબા સમય સુધી યાદ રહેશે.