બોલિવૂડના વર્સેટાઇલ એક્ટર અરશદ વારસી હંમેશા પોતાની એક્ટિંગથી ચાહકોના દિલ જીતતા આવ્યા છે, પરંતુ તાજેતરમાં મુંબઈમાં આયોજિત એક ઇવેન્ટમાં બધી જ નજર અરશદ પર નહીં પણ તેની દીકરી ઝેન જોઈ વારસી પર ટકી હતી. પહેલીવાર પોતાની દીકરી સાથે રેડ કાર્પેટ પર દેખાયેલા અરશદ વારસીની દીકરીની સુંદરતા અને સ્ટાઇલિશ લુક જોઈને સોશિયલ મીડિયા પર ફેન્સ આશ્ચર્યચકિત થઈ ગયા છે. ઇવેન્ટ દરમિયાન અરશદ વારસી 'ઓલ બ્લેક' સૂટમાં અત્યંત ડેશિંગ અને ક્લાસી લુકમાં જોવા મળ્યો હતો. તેણે બ્લેક બ્લેઝર, ટ્રાઉઝર અને બ્રાઉન ચશ્મા સાથે પોતાની પર્સનાલિટીમાં ચાર ચાંદ લગાવ્યા હતા.

જોકે, આકર્ષણનું કેન્દ્ર તેની દીકરી ઝેન બની હતી. પિતાએ દીકરીનો હાથ પકડીને મીડિયા સામે પોઝ આપ્યા હતા, જે બંને વચ્ચેનું મજબૂત બોન્ડિંગ દર્શાવે છે. ઝેને આ ઇવેન્ટ માટે બ્લેક એન્ડ વ્હાઇટ કોમ્બિનેશનનો શોર્ટ ઓફ-શોલ્ડર ડ્રેસ પસંદ કર્યો હતો. મિનિમલ જ્વેલરી અને સ્ટાઇલિશ હીલ્સ સાથે તેનો લુક અત્યંત એલિગન્ટ અને સ્માર્ટ લાગતો હતો. સોશિયલ મીડિયા યુઝર્સના મતે, ઝેન જોઈ વારસીની સ્માર્ટનેસ અને માસૂમિયત આગળ અન્ય જાણીતા સ્ટાર કિડ્સ અને અભિનેત્રીઓ પણ ઝાંખી પડે છે. તેની આ તસવીરો અત્યારે ઇન્ટરનેટ પર જોરદાર ટ્રેન્ડ કરી રહી છે. પોતાની પર્સનલ લાઈફ સિવાય અરશદ વારસી અત્યારે તેની પ્રોફેશનલ લાઈફને લઈને પણ ચર્ચામાં છે.

અહેવાલો અનુસાર, અરશદ ટૂંક સમયમાં મોસ્ટ અવેટેડ ફિલ્મ 'ધમાલ 4' માં જોવા મળશે. આ ફિલ્મમાં તેની સાથે રવિ કિશન, ઇશા ગુપ્તા અને સંજિદા શેખ જેવા કલાકારો પણ મહત્વની ભૂમિકામાં જોવા મળશે. ઝેન વારસીના આ લેટેસ્ટ લુક બાદ ચાહકો હવે અટકળો લગાવી રહ્યા છે કે શું તે પણ આગામી સમયમાં બોલિવૂડમાં એન્ટ્રી કરશે? હાલ તો તેની ગ્લેમરસ તસવીરોએ સોશિયલ મીડિયા પર ધૂમ મચાવી દીધી છે.