બોની કપૂરની દીકરી અંશુલા કપૂર બની દુલ્હન, સાઉથ કોરિયામાં ધમાલભરી બેચલરેટ પાર્ટી; અર્જુન કપૂરે આપ્યું રિએક્શન
કપૂર પરિવારમાં જલ્દી જ શરણાઈઓના સૂર ગુંજવાના છે. બોની કપૂરની લાડલી દીકરી અંશુલા કપૂર પોતાના મંગેતર રોહન ઠક્કર સાથે લગ્ન કરીને નવી જિંદગીની શરૂઆત કરવા જઈ રહી છે.
અંશુલા સોશિયલ મીડિયા પર ખૂબ જ એક્ટિવ છે અને તે પોતાની જીવનની અપડેટ્સ નિયમિત શેર કરતી રહે છે. તેણે ઇન્સ્ટાગ્રામ પર પોતાની બેચલરેટ પાર્ટીની તસવીરો શેર કરી છે, જેમાં તે પોતાની ગર્લ ગેંગ સાથે ખૂબ જ ખુશ અને ખિલખિલાતી જોવા મળી રહી છે.
સાઉથ કોરિયામાં બેચલરેટ પાર્ટીની ધમાલ
શાદી પહેલાં અંશુલાએ પોતાની સહેલીઓ સાથે સાઉથ કોરિયાના સિયોલમાં બેચલરેટ પાર્ટીની ઉજવણી કરી છે. તેમણે ત્યાં ખૂબ જ મસ્તી કરી, સારું ખાધું-પીધું અને ખરીદી પણ કરી. તેની સહેલીઓએ તેને સરપ્રાઇઝ આપવાનો કોઈ મોકો છોડ્યો નથી. અંશુલાએ ફોટોઝ શેર કરતાં કેપ્શનમાં લખ્યું છે:“Siyolsters for life! મારા OG દોસ્તો સાથે બેચલરેટ વાળી મસ્તી!”
View this post on Instagram
અર્જુન કપૂરનું રિએક્શન
અંશુલાની આ તસવીરો પર તેના ભાઈ અર્જુન કપૂરે પણ રિએક્ટ કર્યું છે. અર્જુને કોમેન્ટમાં લખ્યું:“પિંક જેકેટ રિટર્ન કરો!” આ કોમેન્ટથી એવું લાગે છે કે, અંશુલાએ બેચલરેટ પાર્ટીમાં અર્જુનની પિંક જેકેટ પહેરી હતી.
મંગેતર રોહન ઠક્કર વિશે
અંશુલાના મંગેતર રોહન ઠક્કર વ્યવસાયે સ્ક્રીનપ્લે રાઇટર છે. બંનેની મુલાકાત એક ડેટિંગ એપ દ્વારા થઈ હતી. હવે તેમની પ્રેમકહાની જલ્દી જ લગ્નમાં પરિવર્તિત થવાની છે. બોની કપૂરની દીકરી અંશુલા કપૂરના લગ્નની તૈયારીઓ જોરશોરથી ચાલી રહી છે. કપૂર ખાનદાનમાં આ નવા લગ્નના આગમનથી તમામ સભ્યો ખુશ છે. અંશુલાની બેચલરેટ પાર્ટીની તસવીરો તેની ખુશી અને મસ્તીની સાક્ષી પૂરી રહી છે.