બોલિવૂડના દિગ્ગજ દિગ્દર્શક આનંદ એલ. રાયે તેમની આગામી ફિલ્મ માટે ફરી એકવાર ધનુષ અને ક્રિતી સેનનની હિટ જોડી પર પસંદગી ઉતારી છે. 'તેરે ઈશ્ક મેં' ની સફળતા બાદ, આ ત્રિપુટી હવે એક ભવ્ય ઐતિહાસિક પૃષ્ઠભૂમિ ધરાવતી રોમેન્ટિક ફિલ્મ માટે સાથે આવી રહી છે. બંને કલાકારોને સ્ક્રિપ્ટ પસંદ પડી ગઈ છે અને આ વર્ષના અંત સુધીમાં શૂટિંગ શરૂ થવાની શક્યતા છે, જેને લઈને સિનેમા જગતમાં ભારે ઉત્તેજના જોવા મળી રહી છે. હિન્દી સિનેમાના જાણીતા ફિલ્મ સર્જક આનંદ એલ. રાયે ફરી એકવાર પોતાની મનપસંદ જોડી ધનુષ અને ક્રિતી સેનન પર વિશ્વાસ મૂક્યો છે.

'તેરે ઈશ્ક મેં' ની સફળતા બાદ, આ જોડી હવે બીજી વખત મોટા પડદે સાથે જોવા મળશે, જેની સત્તાવાર તૈયારીઓ શરૂ કરી દેવામાં આવી છે. આ આગામી ફિલ્મની સૌથી મોટી ખાસિયત તેની વાર્તા છે. ચર્ચા મુજબ, આ એક પીરિયડ ડ્રામા અથવા ઐતિહાસિક બેકગ્રાઉન્ડ પર આધારિત પ્રેમકથા હશે. આનંદ એલ. રાય સામાન્ય રીતે નાના શહેરની વાર્તાઓ માટે જાણીતા છે, ત્યારે આ વખતે તેઓ ઈતિહાસના પાનાઓમાંથી કંઈક નવું પીરસશે. ધનુષ અને ક્રિતી સેનન બંનેને ફિલ્મની સ્ક્રિપ્ટ વાંચવા આપવામાં આવી હતી. સુત્રોના જણાવ્યા અનુસાર, બંને કલાકારો વાર્તાના વળાંકો અને પોતાના પાત્રની ગહનતાથી પ્રભાવિત થયા છે. સ્ક્રિપ્ટ પસંદ આવતા જ બંનેએ આ ફિલ્મમાં કામ કરવા માટે ગ્રીન સિગ્નલ આપી દીધું છે. ફિલ્મ હાલમાં પ્રિ-પ્રોડક્શનના તબક્કામાં છે, જેમાં સેટ ડિઝાઇનિંગ અને વેશભૂષા પર કામ ચાલી રહ્યું છે. આ વર્ષના અંત સુધીમાં ફિલ્મનું શૂટિંગ શરૂ થાય તેવી પ્રબળ શક્યતા છે. નિર્માતા આ ફિલ્મને મોટા પાયે આકાર આપવાની યોજના બનાવી રહ્યા છે, આ જોડીની અગાઉની ફિલ્મ 'તેરે ઈશ્ક મેં' બોક્સ ઓફિસ પર વ્યવસાયિક રીતે સફળ રહી હતી.

જોકે, આનંદ એલ. રાયની આગવી શૈલી જે 'રાંઝણા' કે 'તનુ વેડ્સ મનુ' માં જોવા મળી હતી, તેનો થોડો અભાવ ચાહકોને વર્તાયો હતો, જે આ નવી ફિલ્મ દ્વારા પૂરો કરવાની દિગ્દર્શકની ગણતરી છે. દક્ષિણ ભારત અને ઉત્તર ભારત બંને જગ્યાએ લોકપ્રિયતા ધરાવતા ધનુષ અને બોલિવૂડની ટોચની અભિનેત્રી ક્રિતી સેનન ફરી સાથે આવી રહ્યા હોવાથી સોશિયલ મીડિયા પર ચાહકોમાં ભારે ઉત્સાહ જોવા મળી રહ્યો છે. આ ફિલ્મને લઈને અત્યારથી જ સિનેજગતમાં અટકળો તેજ થઈ ગઈ છે.