શું તમારા CIBIL રિપોર્ટમાં 'Written Off' લખેલું છે? જો હા, તો સાવધાન થઈ જવાની જરૂર છે. આ શબ્દનો અર્થ દેવું માફી નથી, પરંતુ તે બેંક દ્વારા તમારી લોનને 'વસૂલ ન થઈ શકે તેવા નુકસાન' તરીકે જાહેર કરવાની એક પ્રક્રિયા છે. આ લેખમાં આપણે સમજીશું કે કેવી રીતે એક નાનકડી બેદરકારી તમારા ક્રેડિટ સ્કોરમાં 100થી વધુ પોઈન્ટ્સનો ઘટાડો કરી શકે છે અને શા માટે આ ડાઘ તમારા નાણાકીય ઇતિહાસમાં આગામી ૭ વર્ષ સુધી પીછો છોડતો નથી. જ્યારે કોઈ ઉધાર લેનાર વ્યક્તિ પોતાની લોન અથવા ક્રેડિટ કાર્ડના હપ્તા સતત ચૂકવવામાં નિષ્ફળ જાય છે, ત્યારે ધિરાણ આપનાર સંસ્થા અનેક રીમાઇન્ડર્સ અને વસૂલાત પ્રયાસો કરે છે.

જો 180 દિવસ કે તેથી વધુ સમય સુધી કોઈ પણ રકમ પરત ન મળે, તો બેંક તે ખાતાને 'Written Off' એટલે કે 'માંડવાળ' જાહેર કરે છે. 'Written Off' એ બેંક માટે એક આંતરિક એકાઉન્ટિંગ પ્રક્રિયા છે. જ્યારે બેંકને ખાતરી થઈ જાય કે હવે વસૂલાતની શક્યતા નહિવત છે, ત્યારે તેઓ પોતાના નાણાકીય સરવૈયામાંથી આ બાકી રકમને 'નુકસાન' તરીકે દર્શાવીને ખાતું બંધ કરી દે છે. સામાન્ય રીતે લોકો એવું માને છે કે 'Written Off' એટલે લોન માફ થઈ ગઈ, પરંતુ આ સત્ય નથી. ભલે બેંકે પોતાના ચોપડે તેને નુકસાન ગણાવ્યું હોય, પણ કાયદેસર રીતે ઉધાર લેનાર વ્યક્તિ વ્યાજ સહિતની સંપૂર્ણ બાકી રકમ ચૂકવવા માટે જવાબદાર રહે છે.

બેંક અથવા તેમની રિકવરી એજન્સી ભવિષ્યમાં ગમે ત્યારે વસૂલાત માટે કાયદેસરની કાર્યવાહી કરી શકે છે. એકવાર બેંક કોઈ ખાતાને 'Written Off' જાહેર કરે, એટલે તેની માહિતી તરત જ CIBIL અને અન્ય ક્રેડિટ બ્યુરોને મોકલવામાં આવે છે. ત્યારબાદ તમારા ક્રેડિટ રિપોર્ટમાં તે ખાતાની સામે લાલ અક્ષરે અથવા સ્પષ્ટ રીતે આ સ્ટેટસ દેખાવા લાગે છે, જે તમારી નાણાકીય વિશ્વસનીયતા પર મોટું પ્રશ્નાર્થચિહ્ન મૂકે છે.‘Written Off’ એ ક્રેડિટ પ્રોફાઇલ પરનું સૌથી ગંભીર નકારાત્મક ચિહ્ન છે. આ રિમાર્ક આવતાની સાથે જ તમારો CIBIL સ્કોર ખૂબ જ ઝડપથી ઘટી જાય છે. ઘણીવાર એક જ દુર્ઘટનામાં સ્કોરમાં 100 કે તેથી વધુ પોઈન્ટ્સનો ઘટાડો જોવા મળે છે.

આ 7 વર્ષ દરમિયાન તમારે ક્રેડિટ કાર્ડની મર્યાદા વધારવા કે અન્ય નાણાકીય સુવિધાઓ લેવામાં સતત તકલીફો વેઠવી પડે છે. આ સ્થિતિમાંથી બહાર આવવાનો એક જ રસ્તો છે - સેટલમેન્ટ કરવાને બદલે સંપૂર્ણ ચુકવણી. બેંક સાથે વાત કરી બાકી રકમ ભરી દેવી જોઈએ અને 'No Dues Certificate' મેળવવું જોઈએ. ત્યારબાદ આ NOC ના આધારે CIBIL માં સ્ટેટસ અપડેટ કરાવવું જોઈએ, જેથી ધીમે ધીમે તમારો સ્કોર ફરીથી બિલ્ડ થઈ શકે.