કેન્દ્ર સરકારે ઔદ્યોગિક ક્ષેત્ર પરના દબાણને ઘટાડવા માટે એક મહત્વપૂર્ણ નિર્ણય લીધો છે. માર્ચ ૨૦૨૬ પહેલાંની થોક ગેર-ઘરેલુ LPG જરૂરિયાતના 70 ટકા હિસ્સાની સપ્લાય આપવાનો નિર્ણય કર્યો છે. આ સુવિધા આખા સેક્ટર માટે રોજિંદા કુલ 200 ટનની મર્યાદા હેઠળ રહેશે.

તેની સાથે જ, ખાતર (યુરિયા) ઉત્પાદન એકમોને પ્રાકૃતિક ગેસનું આવંટન 90 ટકાથી વધારીને 95 ટકા કરી દેવામાં આવ્યું છે. પેટ્રોલિયમ અને પ્રાકૃતિક ગેસ મંત્રાલયના જણાવ્યા અનુસાર, આ પગલાથી અનેક મહત્વના ઉદ્યોગોને નોંધપાત્ર રાહત મળશે.

કયા ઉદ્યોગોને મળશે લાભ?

આ રાહતનો લાભ નીચેના ઉદ્યોગોને મળશે:
- ફાર્માસ્યુટિકલ (દવા ઉદ્યોગ)
- ખાદ્ય પ્રક્રિયાકરણ
- કૃષિ
- પોલિમર
- પેકેજિંગ
- પેઇન્ટ
- યુરેનિયમ
- ભારે પાણી (હેવી વોટર)
- સ્ટીલ
- ધાતુ
- કાચ
- સિરામિક
- ફાઉન્ડ્રી
- ફોર્જિંગ
- એરોસોલ ઉત્પાદન

પેટ્રોલિયમ સચિવ નીરજ મિત્તલે તમામ રાજ્યો અને કેન્દ્રશાસિત પ્રદેશોને મોકલેલા સંદેશમાં સ્પષ્ટ કર્યું છે કે જે એકમોને વિશેષ હેતુ માટે LPGની જરૂર પડે છે અને જેની જરૂરિયાત પ્રાકૃતિક ગેસથી પૂરી ન થઈ શકે તેવી એકમોને પ્રાથમિકતા આપવામાં આવશે.

PNG કનેક્શન માટે અરજી કરવી પડશે
આ ઉદ્યોગ એકમોને તેલ વિપણન કંપનીઓ સાથે પંજીકરણ કરાવવું પડશે અને PNG કનેક્શન માટે અરજી કરવી પડશે. માત્ર તે જ કેસમાં LPGની મંજૂરી આપવામાં આવશે જ્યાં તેમની વિશેષ જરૂરિયાતો પ્રાકૃતિક ગેસથી પૂરી ન થઈ શકે.

પશ્ચિમ એશિયામાં ચાલી રહેલા સંઘર્ષને કારણે LPGની આપૂર્તિમાં આવેલી અડચણોને ધ્યાનમાં રાખીને સરકારે અગાઉ વ્યાપારિક LPGની સપ્લાયને ઘટાડીને માત્ર 20ટકા કરી દીધી હતી. વર્તમાન નિર્ણય ઔદ્યોગિક ક્ષેત્રને રાહત આપવા અને જરૂરી ઉત્પાદન પ્રવૃત્તિઓને જાળવી રાખવાના હેતુથી લેવામાં આવ્યો છે.

આ નિર્ણયથી ફાર્મા, સ્ટીલ, ખાદ્ય પ્રક્રિયાકરણ અને અન્ય મહત્વના ઉદ્યોગોના ઉત્પાદન પર અસર ઘટશે અને અર્થતંત્રને વેગ મળશે.