આગામી 10 એપ્રિલના રોજ બોક્સ ઓફિસ પર સિનેમા જગતનો સૌથી મોટો મુકાબલો જોવા મળશે. સાઉથના સુપરસ્ટાર મોહનલાલની બ્લોકબસ્ટર સસ્પેન્સ થ્રિલર 'દ્રશ્યમ 2' આખરે સિનેમાઘરોમાં ધમાકેદાર એન્ટ્રી કરવા જઈ રહી છે. આ ફિલ્મની સીધી ટક્કર બોલિવૂડના ખિલાડી અક્ષય કુમારની મોસ્ટ અવેટેડ હોરર-કોમેડી 'ભૂત બંગલા' સાથે થશે. વર્ષ 2021માં સીધી OTT પર રિલીઝ થયેલી 'દ્રશ્યમ 2' હવે મોટા પડદા પર પ્રેક્ષકોને રોમાંચિત કરવા તૈયાર છે, જેણે અક્ષય કુમારની ફિલ્મ માટે મુશ્કેલીઓ વધારી દીધી છે.

એક તરફ જ્યોર્જ કુટ્ટીનું તેજ મગજ છે અને બીજી તરફ અક્ષયનો કોમેડી અંદાજ, હવે જોવાનું એ રહેશે કે એપ્રિલે પ્રેક્ષકો કોના પર પસંદગી ઉતારશે. સાઉથના સુપરસ્ટાર મોહનલાલની સુપરહિટ સસ્પેન્સ થ્રિલર 'દ્રશ્યમ 2' આખરે સિનેમાઘરોમાં રિલીઝ થવા જઈ રહી છે, જ્યાં તેની સીધી ટક્કર બોલિવૂડ ખિલાડી અક્ષય કુમારની મોસ્ટ અવેટેડ હોરર-કોમેડી ફિલ્મ 'ભૂત બંગલા' સાથે થશે. નોંધનીય છે કે વર્ષ 2021માં રિલીઝ થયેલી 'દ્રશ્યમ 2' કોવિડ-19 મહામારીના કારણે સીધી OTT પ્લેટફોર્મ પર રિલીઝ કરવામાં આવી હતી.

જોકે, ચાહકોની ભારે માંગ અને ફિલ્મના ક્રેઝને જોતા હવે મેકર્સ તેને 10 એપ્રિલે મોટા પડદા પર રિલીઝ કરી રહ્યા છે. જ્યોર્જ કુટ્ટીના પાત્રમાં મોહનલાલ ફરી એકવાર પ્રેક્ષકોને રોમાંચિત કરવા તૈયાર છે.બોક્સ ઓફિસ પર આ વખતે 'સસ્પેન્સ વિરુદ્ધ હોરર-કોમેડી'નો જંગ જોવા મળશે.

અક્ષય કુમારની 'ભૂત બંગલા' તેના હાસ્ય અને ડરના મિશ્રણને કારણે ચર્ચામાં છે, ત્યારે 'દ્રશ્યમ 2' તેની મજબૂત સ્ટોરીલાઈન અને ટ્વિસ્ટ માટે જાણીતી છે. આ બે અલગ-અલગ શૈલીની ફિલ્મોમાંથી કઈ ફિલ્મ દર્શકોના દિલ જીતશે તેના પર ટ્રેડ એનાલિસ્ટ્સની નજર છે. સૂત્રોના જણાવ્યા અનુસાર, 'દ્રશ્યમ' ફ્રેન્ચાઈઝીના ત્રીજા ભાગ એટલે કે 'દ્રશ્યમ 3' ની રિલીઝ ડેટમાં ફેરફાર કરવામાં આવ્યો છે.