તાજેતરમાં રિલીઝ થયેલી ફિલ્મ 'ધુરંધર 2' બોક્સ ઓફિસ પર ધૂમ મચાવી રહી છે. આ ફિલ્મમાં 'જમીલ જમાલી'ના પાત્રમાં “બચ્ચા હે તું મેરા” ડાયલોગથી સોશિયલ મીડિયા પર વાયરલ થયેલા દિગ્ગજ અભિનેતા રાકેશ બેદી ફરી એકવાર ચર્ચામાં છે. જોકે, આ વખતે તેમની ચર્ચા માત્ર એક્ટિંગ માટે જ નહીં, પરંતુ તેમની રિયલ લાઈફ દીકરી રિદ્ધિમા બેદીની બોલ્ડ અને લક્ઝરી લાઈફ સ્ટાઈલને કારણે થઈ રહી છે. રિદ્ધિમાના લગ્ન શ્રેય આઝાદ સાથે થયા છે, જેઓ પોતે એક મોટા ટ્રાવેલ લવર છે. આ કપલે અત્યાર સુધીમાં દુનિયાના અંદાજે 48 દેશોની મુસાફરી કરી છે.

રિદ્ધિમાના ઇન્સ્ટાગ્રામ પર નજર કરીએ તો તે સ્પષ્ટ થાય છે કે તે તેના પતિ સાથે વૈશ્વિક સ્તરે પ્રવાસ કરવામાં અને જીવનને મનભરીને માણવામાં માને છે. તેના વેકેશનના ફોટા અને બોલ્ડ લૂક્સ અત્યારે ઇન્ટરનેટ પર ભારે વાયરલ થઈ રહ્યા છે. રાકેશ બેદી ભલે કેમેરા સામે રમુજી પાત્રો ભજવતા હોય, પરંતુ રિયલ લાઈફમાં તેઓ એક ખૂબ જ પ્રેમાળ પિતા છે. રિદ્ધિમા પણ તેના પિતાની સિદ્ધિઓ પર ગર્વ અનુભવે છે. ભલે તેણે તેના પિતા જેટલું નામ ફિલ્મ ઇન્ડસ્ટ્રીમાં ન બનાવ્યું હોય, પરંતુ સોશિયલ મીડિયા પર તેની ફેન ફોલોઈંગ અને તેનો આત્મવિશ્વાસ તેને એક અલગ જ ઓળખ અપાવે છે. 'ધુરંધર 2' ની સફળતાની સાથે જ લોકો રાકેશ બેદીના પરિવાર વિશે જાણવા ઉત્સુક બન્યા છે. રિદ્ધિમાના ફોટા જોઈને નેટીઝન્સ કહી રહ્યા છે કે રાકેશ બેદીની લાડલી માત્ર સુંદર જ નથી, પણ ખૂબ જ ટેલેન્ટેડ અને બેફિકર અંદાજમાં જીવનારી યુવતી છે.

કોણ છે રિદ્ધિમા બેદી?

70 વર્ષની વયે પણ પોતાની અદભૂત કોમેડી અને એક્ટિંગથી લાખો દિલ જીતનાર રાકેશ બેદીને બે પુત્રીઓ છે - રિતિકા અને રિદ્ધિમા. તેમની મોટી પુત્રી રિદ્ધિમા બેદી વ્યવસાયે એક અભિનેત્રી અને બિઝનેસવુમન છે. રિદ્ધિમા સોશિયલ મીડિયા પર અત્યંત સક્રિય છે અને તેની સ્ટાઇલિશ અદાઓ બોલિવૂડની મોટી હિરોઈનોને પણ ટક્કર આપે તેવી છે.