રશ્મિકા મંદાના અને વિજય દેવરકોંડા હાલમાં સોશિયલ મીડિયાના સૌથી લોકપ્રિય અને ચર્ચિત કપલ બની ગયા છે. ગત 26 ફેબ્રુઆરીના રોજ ઉદયપુરમાં શાહી ઠાઠથી લગ્ન કરીને આ જોડીએ સૌને ચોંકાવી દીધા હતા, ત્યારે હવે લગ્નના બરાબર એક મહિના બાદ ફરી એકવાર આ કપલે ફેન્સને મોટી સરપ્રાઈઝ આપી છે. રશ્મિકાએ સોશિયલ મીડિયા પર એક વીડિયો શેર કરતા લખ્યું કે 'હવે અમે બે થી ત્રણ થઈ ગયા છીએ', આ કેપ્શન વાંચતાની સાથે જ ચાહકોમાં ઉત્તેજનાનો માહોલ છવાઈ ગયો હતો. લોકોએ તરત જ આ જોડીને અભિનંદન આપવાનું શરૂ કરી દીધું હતું અને અનેક ફેન્સે તો પૂછવાનું પણ શરૂ કર્યું કે શું રશ્મિકા પ્રેગ્નેન્ટ છે?

જોકે, આ સમગ્ર મામલા પાછળનું સત્ય કંઈક અલગ જ છે જે જાણીને તમે પણ દંગ રહી જશો. વાસ્તવમાં રશ્મિકા અને વિજયે કોઈ પારિવારિક ખુશખબરી નહીં પણ એક પ્રોફેશનલ ગુડ ન્યૂઝ શેર કરી છે. આ જોડીએ જાણીતા પ્લેટફોર્મ 'ટેરીબલી ટાઈની ટેલ્સ' (Terribly Tiny Tales) સાથે જોડાણ કર્યું છે, જે ટૂંકી વાર્તાઓ માટે ઇન્ટરનેટ પર ખૂબ જ ફેમસ છે. રશ્મિકાના 'બે થી ત્રણ' થવાના સ્ટેટમેન્ટનો અર્થ આ ત્રીજા પ્લેટફોર્મ સાથેના કોલેબરેશન સાથે જોડાયેલો હતો. લગ્ન બાદ પણ વિજય અને રશ્મિકા પોતાના કામ પ્રત્યે એટલા જ સમર્પિત છે અને સતત નવા પ્રોજેક્ટ્સ દ્વારા પ્રેક્ષકોનું મનોરંજન કરી રહ્યા છે, જે તેમના પ્રશંસકો માટે ખરેખર આનંદની વાત છે.