ભારતીય પહેલવાન સંગ્રામ સિંહે 41 વર્ષની ઉંમરે પણ વિશ્વને ચોંકાવી દીધું છે. અર્જેન્ટિનામાં યોજાયેલી મિક્સ માર્શલ આર્ટ્સ (MMA) ચેમ્પિયનશિપમાં તેમણે 16 વર્ષ નાના ફ્રેન્ચ ફાઈટર ફ્લોરિયન કૌડિયરને માત્ર 1 મિનિટ 40-45 સેકન્ડમાં જ હરાવીને ઈતિહાસ રચ્યો. આ સાથે તેઓ અર્જેન્ટિનામાં MMA જીતનારા પ્રથમ ભારતીય બન્યા છે. આ તેમની MMAમાં ત્રીજી સતત જીત છે.

મેચ પહેલાં વિરોધીએ તેમની ઉંમરનું મજાક ઉડાવ્યું હતું પરંતુ, સંગ્રામે રિંગમાં જવાબ આપી દીધો. તેમણે કહ્યું, “મારી હડકીઓ દેશી ઘી અને દૂધથી બનેલી છે, તે આટલી સરળતાથી તૂટતી નથી.”

સંગ્રામ સિંહની ફિટનેસ અને ડાયટનું રહસ્ય
આજના સમયમાં જ્યારે એથ્લીટ્સ મોંઘા પ્રોટીન પાવડર અને સપ્લિમેન્ટ્સ લે છે ત્યારે સંગ્રામ સિંહ પૂરેપૂરા શાકાહારી છે અને સંપૂર્ણ દેશી ડાયેટ પર આધારિત છે.

તેમની ડાયટમાં શું હોય છે?
- સવારની શરૂઆત: ગરમ પાણીમાં શહદ મેળવીને પીવું.
- મુખ્ય ભોજન: ઘરની બનાવેલી રોટલી, તાજી સબ્જીઓ, દાળ અને ઘી.
- રાત્રે સૂતા પહેલાં: હળદરવાળું દૂધ (હલદી દૂધ) પીવાનું ક્યારેય ચૂકતા નથી.
- એનર્જી માટે: મોસમી ફળો અને ચ્યવનપ્રાશ.
- દૂધ અને દહીં: નિયમિત રીતે લે છે.

સંગ્રામ સિંહ કહે છે, “મારી તાકાતનું રાજ કોઈ જાદુઈ દવા કે પાવડરમાં નથી, પરંતુ રસોડામાં મળતી સાદી અને નેચરલ વસ્તુઓમાં છે.”

ફિટનેસના સરળ નિયમો
- જેટલું પચાવી શકો એટલું જ ખાઓ.
- સૂર્યાસ્ત પછી ભારે ભોજન ટાળો.
- ક્યારેય શરાબ કે સિગારેટને હાથ પણ નથી લગાવી.
- સાદી જીવનશૈલી અને સખત અનુશાસન.

સંગ્રામ સિંહે સાબિત કરી દીધું છે કે, ઉંમર માત્ર એક નંબર છે. અસલ તાકાત દિમાગ અને શરીરમાં હોવી જોઈએ. તેમની દેશી ડાયટ અને ડિસિપ્લિન આજે પણ 41 વર્ષની ઉંમરે તેમને ફૌલાદી શરીર અને અદ્ભુત ફિટનેસ આપી રહી છે.