ફિલ્મમેકર વિવેક અગ્નિહોત્રીની આગામી ફિલ્મને લઈને નવી માહિતી સામે આવી છે. અહેવાલો અનુસાર, તેઓ ઓપરેશન સિંદૂર પર ફિલ્મ બનાવી રહ્યા છે, જે અપ્રિલ ૨૦૨૫માં જમ્મુ-કાશ્મીરના પહલગામમાં થયેલા આતંકી હુમલા પછી ભારતીય સેનાની સર્જિકલ કાર્યવાહી પર આધારિત છે. આ ફિલ્મ લેફ્ટનન્ટ જનરલ કેજેએસ ‘ટાઇની’ ઢિલ્લોનની પુસ્તક ‘Operation Sindoor: The Untold Story of India’s Deep Strikes Inside Pakistan’થી પ્રેરિત છે.

પહલગામ આતંકી હુમલાની પૃષ્ઠભૂમિ અને કાર્યવાહીની સાચી વાર્તા

૨૨ એપ્રિલ ૨૦૨૫ના રોજ પહલગામની બૈસરન વેલીમાં આતંકવાદીઓએ ૨૬ નિર્દોષ નાગરિકો (મોટેભાગે હિંદુ પ્રવાસીઓ)ની હત્યા કરી હતી. આ હુમલા પછી ભારતે ૭ મે ૨૦૨૫થી ૧૦ મે સુધી ઓપરેશન સિંદૂર હાથ ધર્યું, જેમાં પાકિસ્તાન અને પાકિસ્તાન અધિકૃત કાશ્મીરમાં આતંકી કેમ્પો પર ચોક્કસ મિસાઇલ અને એર સ્ટ્રાઇક્સ કરવામાં આવી. આ કાર્યવાહીમાં ભારતીય સેનાની વ્યૂહરચના, વ્યાવસાયિકતા અને બહાદુરીનું પ્રદર્શન થયું હતું.

વિવેક અગ્નિહોત્રીએ કહ્યું છે કે આ વાર્તા જરૂરી છે અને સમયની માગ છે. હિંદુસ્તાન ટાઇમ્સ સાથે વાતચીતમાં તેમણે જણાવ્યું, “હું એવી વાર્તાઓ કહેવામાં માનું છું જે થોડી અસ્વસ્થ કરે પણ જરૂરી હોય. મારી કોશિશ છે કે આ વાર્તાને પૂરી સચ્ચાઈ સાથે દર્શાવવામાં આવે, જેમાં બહાદુરી, પ્રોફેશનલિઝમ અને વ્યૂહરચના બધું જ દેખાય અને તે એક રોમાંચક ફિલ્મ પણ બને.”

આ પ્રોજેક્ટ વિવેકની કંપની આઈ એમ બુદ્ધા પ્રોડક્શન અને ભૂષણ કુમારની ટી-સિરીઝ સાથે મળીને બનાવી રહ્યા છે. ફિલ્મમાં ૬ મે થી ૧૦ મે ૨૦૨૫ વચ્ચેના આખા ઓપરેશનને વિસ્તારથી દર્શાવવામાં આવશે. વિવેકે વધુમાં જણાવ્યું કે, “અમે આર્મ્ડ ફોર્સીસની અલગ-अલગ યુનિટ્સ સાથે મળીને ગ્રાઉન્ડ લેવલ પર રિસર્ચ કરી છે, જેથી માત્ર એ ન સમજાય કે શું થયું, પણ એ પણ કે કેવી રીતે અને કેમ થયું. અસલ વાર્તા સામાન્ય લોકોને જે ખબર છે તેના કરતાં ઘણી વધુ જટિલ અને સચોટ છે.”

ટી-સિરીઝ સાથે જોડાણ

ભૂષણ કુમારે કહ્યું છે કે આ ફિલ્મ માત્ર એક વાર્તા નથી. તેમણે જણાવ્યું, “કેટલીક વાર્તાઓ તમે પસંદ નથી કરતા, તે તમને પસંદ કરે છે. ઓપરેશન સિંદૂર પણ એવી જ વાર્તા છે. જ્યારે દેશ આવી મોટી ઘટનાઓમાંથી પસાર થાય છે ત્યારે તેને સચ્ચાઈ સાથે દસ્તાવેજીકરણ કરવું જરૂરી બની જાય છે.”

હાલમાં ફિલ્મની કાસ્ટ અને રિલીઝ ડેટ અંગે કોઈ સત્તાવાર માહિતી સામે આવી નથી. વિવેક અગ્નિહોત્રીએ અગાઉ ધ કાશ્મીર ફાઇલ્સ, ધ તાશ્કંદ ફાઇલ્સ અને ધ બંગાળ ફાઇલ્સ જેવી ફિલ્મો બનાવી છે, જેમાં તેઓ રાષ્ટ્રીય મુદ્દાઓને સાચી રીતે રજૂ કરવા માટે જાણીતા